बुटवलको मेयर र उपमेयरमा स्वतन्त्र उम्मेदवारलाई संयुक्त लोकतान्त्रिक मोर्चाको समर्थन

राजनीति असार ७ २०७४ .
Nayashakti morcha press meet btl marnzykvf9

बुटवल – नयाँ शक्ति पार्टीको नेतृत्वमा संघीय समाजवादी फोरम, नेकपा माले, नेकपा माक्र्सवादी संयुक्त, अखण्ड पार्टी, जनमोर्चा नेपाल, नागरिक परिचालन अभियानसहित ७ दलको संयुक्त लोकतान्त्रिक मोर्चाले बुटवल उपमहानगरपालिकाको प्रमुख र उपप्रमुख पदमा स्वतन्त्र उम्मेदवारलाई समर्थन गरेको छ । 
मोर्चाले बुधबार बुटवलमा पत्रकार सम्मेलन गरी वैकल्पिक राजनीतिक धारको रुपमा स्वतन्त्र ढंगले चुनावी प्रतिस्पर्धामा उत्रने उम्मेदवारलाई समर्थन गर्ने बताएको हो । मोर्चाका संयोजक तथा नयाँ शक्ति पार्टीका केन्द्रीय कार्याकारी सदस्य बामदेव क्षेत्रीले ठूला भनिने राजनीतिक दलहरुको राजनीतिक खिचातानी, संस्थागत भ्रष्टाचार, राजनीतिक दम्भ र अहंकारबाट आजित भएका जनताले विकल्प खोजिरहेको बेला मोर्चाले दलीय विचार र आस्थाबाट माथि उठेर वैकल्पिक राजनीतिक संस्कार निर्माण गर्न चुनावी मोर्चा बनाएको बताए । 

त्यसैगरी पत्रकार सम्मेलनमा मेयर पदका स्वतन्त्र उम्मेदवार होम बहादुर गलामीले पुराना पार्टीहरुको दलीय दम्भ र घमण्डलाई परास्त गर्नका लागि नै आफूले स्वतन्त्र रुपमा उम्मेदवारी दिएको बताए । 

उपमेयर पदका स्वतन्त्र उम्मेदवार मञ्जु खड्काले ठूला पार्टीहरुको अराजक शैली र स्वार्थकेन्द्रीत सोचले नगरको विकास पछाडि परेको भन्दै सबै मिलेर नगरको विकास गर्नुपर्ने बताइन् । 

बुटवल उपमहानगरपालिकाको मयेर पदका स्वतन्त्र उम्मेदवार गलामीले इस्टकोट चुनाव चिन्ह पाएका छन् भने मोर्चा समर्थित उपमेयर पदकी स्वतन्त्र उम्मेदवार खड्काले भित्तेघडी चुनाव चिन्ह पाएकी छिन् । 
 मेयर र उपमेयरको अलवा मोर्चाले नयाँ शक्ति र संघीय समाजवादी फोरमको संयुक्त चुनाव चिन्ह एक हातले समातेको मसाल र अन्य दलका चुनाव चिन्ह लिएर चुनावी प्रतिस्पर्धा गर्दैछन् । 

प्राप्त प्रतिकृयाहरू

To Top